مردمون، مسلمنون، ای هم تبارون
شهریا،روستاییا، ای هفت و چارون
انتخابات مجلسی چار سال یه باره
وه کسی وا رای بدین که اهل کاره
وِه کسی وا رای بدین،حرف برسونه
نه هو که نَونِه حتی٬اسم خُن بخونه
طایفه مهم نیدو،سواد مهمه
توانِ حرف زَیدَنِ افراد مهمه
بیایین همه وا یَک خو بکنین سعی
وِه هر کس لایق بوهه امسال بدین رأی
هر کسی لایق بوهه وا بِدِراهه
نه هو که وختی دَروَی رَهد دی نیاهه
موعدِ انتخابات وا دل بکوشین
رأتونه سی ده تومن پیل نفروشین
دوره ها قَبلین نَوا کنین فراموش
وعده و وعیدانه اصلا ندین گوش
نماینده شهر ایما نَوا چَوَل بو
وعده و وعید نده،مردِ عمل بو
انتظار دارُم وِتون پا صندُقا رای
سی نوشتن تعرفه خو بکنین سعی
بفشارین خودکاران،محکم مِنِ مشت
وه یکی رایتون بدین ری کُنِه وا پشت
نه هو که فکر گَویَل و به فکرِ جِیوه
مردم هی شِیو بخورِن و هو نَشِیوِه
لا یُغَیّـِر ما بِقَومْ،قرآن یون ایگو
وه افراد جامعه با ایمان یون ایگو
وه کسی وا رأی بدین که وا شجاعت
سرنوشت جامعه تون بده بضاعت
” خدا آن ملتی را سروری داد
که تقدیرش به دست خویش بنوشت
به آن ملت سر و کاری ندارد
که دهقانش برای دیگران کِشت ”
التماس تفکر…
شعر: سبحان بندانی
انتهای پیام/*
عالی بود، ایشالا ی انتخاب درست بکنیم
عالی بود…عالی بود…عالی بود….عالییییییییی آقای بندانی انصافا بهتون تبریک میگم…احسنت به این ذوق …و پیشنهادم به شما”عصر ایذه” از سروده های ایشون بیشتر استفاده کنید…ا